Şəkidə milli mətbuatımızın 140 illik yubileyi qeyd olundu

Qeyd olunmuşdur ki, Milli mətbuatımızın tarixində Şəkinin və bu torpağın yetirmələrinin də xüsusi yeri vardır. Sevindirici haldır ki, bu gün Şəkidə ona yaxın mətbuat orqanı işıq üzü görür. Şəki şəhərində fəaliyyət göstərən “Kanal S” regional televiziya kanalı vasitəsilə şəhərimizin ictimai-siyasi həyatında baş verən dəyişikliklər, sosial-iqtisadi, mədəni və digər sahələrlə bağlı məlumatlar ictimaiyyətə ətraflı çatdırılır. Bu baxımdam dövlət və digər özəl telekanallar, onların bölgə muxbirlərinin də böyük xidmətləri vardır. Media təmsilçilərini əlamətdar bayram münasibətilə təbrik edən şəhər icra hakimiyyəti başçısının müavini Zərinə Cavadova Azərbaycan mətbuatının zəngin və şərəfli yolundan danışmış, Prezident İlham Əliyevin “Azərbaycan milli mətbuatının 140 illik yubileyinin keçirilməsi haqqında” Sərəncamını mətbuata dövlət qayğısının bariz nəticəsi kimi dəyərləndirmişdir. Çıxış edənlər Azərbaycan Respublikası Prezidentinin Sərəncamı ilə “Əməkdar jurnalist” fəxri adını almış “Şəki” qəzetinin redaktotu Akif Salamı təbrik etmişlər. Bildirilmişdir ki, ona fəxri adın verilməsi Şəkidə mətbuata verilən yüksək qiymətdir. Tədbirdə çıxış edən “Şəki” qəzetinin redaktotu Akif Salam tədbirin təşkilinə, onların əməyinə verilən yüksək qiymətə görə minnətdarlığını bildirmişdir. Tədbirin sonunda mətbuat nümayəndələrinə mükafatlar təqdim olunmuşdur.

Toplantı qurtardıqdan sonra iştirakçılar Heydər Əliyevin İcra Hakimiyyətinin qarşısındakı abidəsinin önünə gül qoymuşlar.

Fotolar "İpəkçi" qəzetinin baş redaktoru

Aydın Məmmədovundur.