ŞEİRLƏR - Akif ƏSƏDULLAYEV

Дата публикации: 17.01.2015 7:26:20

Yaxın dostu itirəndə.

Günəşin istisi dondurar səni

Qışın qarı,buzu yandırar səni

Bir çəlimsiz nadan sındırar səni

Yaxın dostu itirəndə.

Əski yaddaş səni daş-qalaq eylər

Dünən siğal çəkən şapalaq eylər

Ayaqsız da sənə badalaq eylər

Yaxın dostu itirəndə.

Bügrəyər mətinlik,axsayar əzm

Kövrəklik güc gələr tablaşmaz dözüm

Donar dodağında gülüş,təbəssüm

Yaxın dostu itirəndə.

Hər tərəf qan ağlar geyinər qara

Köksündə yurd salar sağalmaz yara

Göynədər qəlbini üz tutsan hara

Yaxın dostu itirəndə.

Gündüzün gecənin əsiri olar

Qəmginlik hər günün kəsiri olar

Gözlərin doğmalıq yesiri olar

Yaxın dostu itirəndə.

Toy-büsat gözündə qəhərə dönər

Ən ləziz təamın zəhərə dönər

Məzarı müqəddəs bir “pir”ə dönər

Yaxın dostu itirəndə.

* * *

Gürzə

Tədbirli bilib kürzəni

Şah seçdilər özlərinə.

Yurd edib çölü-çəməni

Nə var təpdi gözlərinə.

Sonra cumdu həyətlərə

Nə toyuq qaldı nə cücə.

Yetmişdi çox niyyətlərə

Çalışırdı gündüz,gecə.

Hər nə varsa çaldı,çapdı

Çox kasıbın malın uddu.

Nə keçdi əlinə qapdı

Yalan vədlər ayaq tutdu.

Amansız olmuşdu yaman

Sancırdı ötüb-keçəni.

Üzünə gülmüşdü zaman

Çıxmışdı yaddan dünəni.

Yağ damırdı yaxasından

Çox sevdalara düşmüşdü.

Görkəmindən,saxasından

Tanınmaz olub, şişmişdi.

Fısıltısı, buyruğunu

Səpirdi solu-sağına.

Bir gün əyib quyruğunu

Yönəltdilər qabağına.

- Kimdi bu quyruq bulayan?

Kürzə qəh-qəh çəkib güldü.

- Qoy ölsün meydan sulayan

Öz quyruğun sancıb,öldü.

* * *

Buymuş

Aşıq Sakit

Boğan əsrlərcə haqqın səsini

Kamanı inlədən kamana buymuş

Mərdi namərdlərə möhtac eyləyən

Alçaq dövr, axmaq zəmanə buymuş.

Elşir

Itirib ağlını, haqqı nahaqdan

Düz seçə bilməyən divanə buymuş.

Hamının taleyi tükdən asılı

Ümidin bağladan amanə buymuş.

Aşıq Sakit

Bağlandım tarixə pozuldu hallar

Qan-qoxdu bəşərin keçdiyi yollar

Əsrlər boyunca törədib qallar

Yaxşını qul edən yamana buymuş.

Elşir

Nə qədər dözülməz,nə qədər acı

Gədanın başına qoyurlar tacı

Möhtac qoyan yetim, ac-yalavacı

Peysərindən yağı damana buymuş.

Aşıq Sakit

Xalqa vəkil seçdik hər qəlbi kütdən

Nə bir otdan doyduq nə də ki, sütdən

Yedirib yetmiş il vəz ilə vəddən

Axırda bağlayan gümana buymuş.

Elşir

Bəli keçirilir hər nadan başa

Xalqın,millətin də rəyi tamaşa

Əgər hünərlisən buna döz yaşa

Görk edən qanmazı qanana buymuş.

Aşıq Sakit

Yüz cürə ideya yüz cür partiya

Hərəsində yüz-yüz kin,kələk,riya

Eşşəyi çatdırıb hər ləziz paya

Atı həsrət qoyan samana buymuş.

Elşir

Çoxları seçilmir hələ heyvandan

Təkcə mədəsini düşünür hər an

Gözə kül üfürüb düzə tor quran

Meydan verən cinə,şamana buymuş.

Aşıq Sakit

Abır,həya oldu taledən payım

Qoymadı qazanım bir xoş gün,qayım

Köçəri Sakitəm buz tutdu yayım

Ahımı döndərən dumana buymuş.

Elşir

Elşir,abır həya misilsiz dəyər

Onu qorumağa,güdməyə dəyər

Başından aşağı tökən ləl,kövhər

Haqsızlığa gözün yumana,buymuş.

* * *

Həmənkidi

Həmənkimi sandıq,yeşik,ev,eşik

Məhlənizdə toyuq,cücə,it pişik

Azalıbmı siçovullar,dəl-deşik

Götürmüşdü dağ,dalanı necədi?

Aşıq Sakit.

Aşıq Sakit,gəl söyləyim agah ol

Yanımızdan ötən yel həmənkidi.

Qatıb bizləri də çör-çöplə birgə

Dağa-daşa çırpan sel həmənkidi.

Su ilə ölçülür saflığın tayı

Ümid,təsəllidir hər kəsin payı

Məhləmizdən axan bütün yaz,yayı

Suyu bulandıran lil həmənkidi.

Yenə imkanlıdı meydan aldıran

Arxalanıb göydən ulduz saldıran

Naşı qohumunu başa qaldıran

Mərkəzdən uzanan əl həmənkidi.

Papağı əyridir haqqı duyanın

Kökü kəsilməyib hələ riyanın

Yüz xeyrini qoyub bircə ziyanın

Dalınca şütüyən el həmənkidi.

Nahaqq işlər divan tutur əsəbə

Gəlməmişik hələ dinə,məzhəbə

Çatdırmaqçün sahibini mənsəbə

Yaltaqlıqla yortan dil həmənkidi.

Elşir,şarpa-şarpla təriflər gedir

Bu mənasız yoldur həriflər gedir

Zaman dəyişməyib elə dövr edir

Aylar çaş-baş düşüb il həmənkidi.

* * *

Demə ömür bu imiş.

Aşıq Sakit.

Uşaqlığım elə bil ki,dünəndi

Ürək həmən istək yenə həməndi

Boğazımda qayğıların kəməndi

Açammadım,demə ömür bu imiş.

Elşir.

Keşməkeşlər bürüyübdü yolumu

Kötəkləyir sağımı həm solumu

"Zirvə".-deyib geniş açdım qolumu

Çatammadım,demə ömür bu imiş.

Aşıq Sakit.

"Ya haqq"-deyir qaçanıyla qovanı,

Sonda birmiş yağlısıyla yavanı

Çalammadım istədiyim havanı

Uçammadım,demə ömür bu imiş.

Elşir.

Qulluq edən mədəsinə,qursağa

Hər gündə çıxarır yeni bir hoqqa

Niyyətləndim satım haqqı nahaqqa

Satammadım,demə ömür bu imiş.

Aşıq Sakit.

Namərd qalxdı əridikcə mərd qəmdən,

Ağrı,zərbə ötüşmədi ötkəmdən

Gidi dünya ,ehtiyacdan,dərd-qəmdən

Qaçammadım,demə ömür bu imiş.

Elşir.

Bu yolsuz dünyanın qayğı qoşunu

Yeriyib üstümə pozur huşumu

İşıqlı dünyanın"Simurq"quşunu

Tutammadım,demə ömür bu imiş.

Aşıq Sakit.

Oyunu-mən,milçək dünya,fil oldu

Baş qatması bülbül oldu,gül oldu

Kərəm oldum,arzularım kül oldu

Qucammadım,demə ömür bu imiş.

Elşir.

Dedim eşqin yüyənindən bərk tutaq

Gecə də gündüz də eylədim soraq

Sevdayla da sevdam tutmadı calaq

Atammadım,demə ömür bu imiş.

Aşıq Sakit.

Gümanlarla 50 oldu yaş artıq

Sabah gora titrəyəcək baş artıq

Nurunu gur,-ümid adlı işartı

Saçammadı,demə ömür bu imiş.

Elşir.

Ömrümüz hazırdı lövbər salmağa

Hamısı ya minnət,ya da sadğa

Çox çalışdım qəminə kef qatmağa

Qatammadım,demə ömür bu imiş.

Aşıq Sakit.

Çoxdu,neyləsə də çəkib min ahı

Köçərinin savabından günahı

İşdərindən mən baş,qadir ilahi

Açammadım,demə ömür bu imiş.

Elşir.

Akif,arzu sonsuz,meydanımsa dar

Zaman adlı bir insafsız yolçum var

Namərd kölgəsində gizli,ya aşkar

Yatammadım,demə ömür bu imiş.

* * *

Niyə pis sözdü eşşək?

Qalmayıb həvəsindən

Balaca Akif nəvə

Soruşdu nənəsindən

- Nənə, heyvanmı dəvə?

Nənə ,bəli, söylədi.

- At da heyvanmı , nənə?

Nəvə sual eylədi

Maraq göstərib yenə.

- Bəli, at da heyvandı.

- Nənə, bəs eşşək necə?

- O da haman-hamandı.

Sual bitdi beləcə.

Yenə göstərib həvəs

Akif sordu:- De görək,

Hamısı heyvandı,bəs,

Niyə pis sözdü eşşək?.